Poetry Talk

New post from Prem Damania

Sapne…

Hawaayein mann ko chute hue jaa rahi hai par mann ko bha nahi rahi hai,

Sab hote hue kuch bhi apna naa lage tab kaha hi kuch sahi?

Kashmakash ke dhaago se bandhi zindagi ki dor kiske haath me?

Mere,tumhare,upar jo aasman me hai koiuske aur woh kiske saath me?

Heer Ranjha,Laila Majnu saath kyu nahi?isko kismat ka naam de diya,

Sabke saath hote hue bhi bheed me khudko akela kar liya!

Sabke karib hote hote kab khudse dur hogye pata hi nahi chala,

Rone ka mann kare jab ,phir bhi muskurane ki pratha ye kyu bhala?

Sambhal jaayege hum yu girte girte kabhi na kabhi,

Ek saans lenge fir dusri,fir teesri jee lenge hum bhi.

Sab hi ki tarah jo jeena bhul chuke hai fir bhi jeene ki koshish karte hai,

Hum sapne dekhne wale ,sapne tootne se kaha hi bikharte hai?

Rata hote hi firse naya sapna dekhte hai!!!